Raza Musani 
پشاور : امیر جماعت اسلامی پاکستان سراج الحق نے جو بائیڈن کے پاکستان مخالف بیان پر حکومت سے مطالبہ کیا ہے کہ امریکا کی معافی تک حکومت امریکی سفیر کو ملک بدر کرنے کا اعلان کرے۔ انہوں نے کہا کہ سابقہ اور موجودہ حکمران امریکی غلامی جب کہ عوام صرف اللہ کے سامنے جھکنے پر یقین رکھتے ہیں۔ایٹمی پاکستان ہی ملک کی آزادی و سالمیت کا محافظ ہے، امریکی صدر کی طرف سے پاکستان کے محفوظ ایٹمی پروگرام کوغیر محفوظ قرار دینا قابل مذمت ہے۔ انہوں نے مطالبہ کیا کہ حکومت امریکی حکومت کے معافی مانگنے تک پاکستان میں تعینات امریکی سفیر کو ملک بدر کرنے کا اعلان کرے۔انہوں نے کہا کہ حکمرانوں کی نا اہلی اور آئی ایم ایف کی غلامی کا نتیجہ ہے کہ آج 22کروڑعوام پریشان ہیں۔
