شام کی وحدت وسالمیت کیلئے اتحاد ضروری ہے، سعودی ولی عہد

ریاض : سعودی ولی عہد شہزادہ محمد بن سلمان کو شام میں نئی مزاحمتی تحریک کی فکر لاحق ہوگئی۔ محمد بن سلمان نے شام کے نام نہاد صدر احمد الشرع سے ٹیلی فون پر گفتگو میں شام میں حالیہ واقعات پر قابو پانے کے لیے اعلان کردہ انتظامات اور اقدامات کا خیرمقدم کیا۔ محمد بن سلمان نے کہا کہ شام کی وحدت وسالمیت اور قومی یکجہتی کے تحفظ کے لیے باہمی اتحاد اور ہم آہنگی کو فروغ دینا ضروری ہے۔ سعودی ولی عہد نے شام پر اسرائیلی حملوں کی مذمت کرتے ہوئے اس حوالے سے مملکت کے موقف کا اعادہ کیا۔ انہوں نے اس بات پربھی زوردیا کہ عالمی برادری شامی حکومت کو درپیش چیلنجز سے نمٹنے کے لیے اس کی حمایت اور کسی بھی بیرونی مداخلت کو روکنے کے لیے موثر کردار ادا کرے۔
شامی صدر احمد الشرع نے شام کی حمایت پر سعودی عرب کا شکریہ ادا کرتے ہوئے ولی عہد کی جانب سے شام اور خطے میں امن و استحکام کے لیے کی جانے والی کوششوں کو سراہا۔