Raza Musani 
غزہ : حماس کے سربراہ اسماعیل ہنیہ نے مطالبہ کیا ہے کہ اقوام متحدہ مقبوضہ علاقوں میں غاصب صیہونی حکومت کےجارحانہ اقدامات رکوانے کے لئے اپنے فرائض پر عمل کرے۔ مغربی ایشیا امن عمل میں اقوام متحدہ کے رابطہ کار ٹور وینسلینڈ سے ٹیلیفون پر گفتگو میں فلسطین کے مقبوضہ علاقوں میں تازہ ترین صورتحال پر تشویش کا اظہار کیا۔ اسماعیل ہنیہ نے کہا کہ اقوام متحدہ کو چاہئے کہ مسجد الاقصی پر صیہونی جارحیت بند اور خاص طور سے رمضان المبارک میں فلسطینیوں کو مسجد میں جانے کی بندش ختم کرانے سے متعلق اپنا کردار ادا کرے۔ غاصب صیہونی حکومت نے فلسطینی علاقوں پر غاصبانہ قبضہ کرنے کے بعد ان علاقوں میں آباد فلسطینیوں کے ساتھ نسلی امتیاز کا رویہ اختیار کر رکھا ہے۔
