Raza Musani 
ماسکو: روس نے یوکرین میں اہداف مکمل کرنے اور فوج کی تعداد بڑھانے کا اعلان کیا ہے۔ روسی وزارت دفاع کےاجلاس سےخطاب میں ولادیمیر پیوٹن نےکہا ہےکہ نیٹو کی تمام صلاحیتیں روس کے خلاف استعمال ہو رہی ہیں۔ روس اپنے مقاصد پورے کرے گا اور فوجی صلاحیتیں بڑھائے گا۔ ہمارا مقصد فوجی قوت کو بہتر بنانا ہے۔ ہم نیوکلیئر فورسز کی جنگی تیاریوں کو بہتر بنانا جاری رکھیں گے۔ اپنی اسٹریٹجک فورسز کو جدید اسلحے سے لیس کریں گے۔ ہمارے دشمنوں کا مقصد روس کو تقسیم کرنا ہے۔ ہم نے کئی سالوں تک برادرانہ تعلقات بنانےکی کوشش کی لیکن کچھ کام نہ آیا۔ اس وقت جو کچھ ہو رہا ہے ہماری پالیسی کا نہیں تیسرے ممالک کی پالیسی کا نتیجہ ہے۔ اُدھر روسی وزیر دفاع نے اعلان کیا کہ فوج کی افرادی قوت 10 لاکھ سے بڑھا کر 15 لاکھ کی جائے گی۔ فوج میں 6 لاکھ 95 ہزار عارضی بھرتیاں ہوں گی۔
