یوکرائن روس کشیدگی، کئی ممالک کے شہریوں کو یوکرائن چھوڑنے کی ہدایت

ماسکو : یوکرائن پر روسی حملے کے خدشے کے پیش نظر آسٹریلیا، اٹلی سعودی عرب اور سوئیڈن سمیت مزید کئی ممالک نے اپنے شہریوں کو یوکرین چھوڑنے کی ہدایت کردی۔ کئی عرب ممالک نے اپنے شہریوں کو یوکرین کا سفر نہ کرنے کی ہدایت کی ہے۔ امریکی صدر جوبائیڈن نے روسی ہم منصب ولادیمیر پیوٹن سے رابطہ کرکے یوکرین میں دراندازی پر سنگین نتائج سے خبردار کیا۔ اور کہا کہ روس کو دراندازی پر فیصلہ کُن ردعمل کا سامنا ہوگا۔ روسی جارحیت سے بڑے پیمانے پر مشکلات ہوں گی۔ یوکرین کے صدر ولادیمیر زیلنسکی نے امریکی وارننگ پر شدید تنقید کی ہے اور کہا کہ حملے کی وارننگ خوف و ہراس کو جنم دے سکتی ہے۔جسے انہوں نے اپنے دشمنوں کا بہترین دوست قرار دیا۔