یوکرین کا پاکستان پر غیر معیاری اسلحہ فراہم کرنے کا الزام، دفتر خارجہ کی تردید

کیف : یوکرین نے پاکستان پر غیر معیاری اسلحہ فراہم کرنے کا الزام لگادیا۔ پاکستان نے دعویٰ مسترد کیا ہے۔ یوکرینی فوج کی 17 ٹینک بٹالین کے کمانڈر ولودیمیر نے بی بی سی کو بتایا کہ یوکرین اپنا گریڈ ایمونیشن ختم کر چکا ہے اس لیے اب دوسرے ممالک کے راکٹوں پر انحصار کر رہا ہے۔ اسے چیک ریپبلک، رومانیہ اور پاکستان سے سپلائی آ رہی ہے۔ انھوں نے گلہ کیا کہ پاکستان سے آنے والے راکٹ معیاری نہیں ہیں۔ پاکستانی دفتر خارجہ نے دعوؤں کو مسترد کرتے ہوئے کہا ہے کہ پاکستان یوکرین روس جنگ میں غیر جانبدار ہے اور اس نے یوکرین کو کسی قسم کا اسلحہ یا گولہ بارود سپلائی نہیں کیا ہے۔ پاکستان کے ماضی میں یوکرین کے ساتھ اچھے دفاعی تعلقات رہے ہیں مگر اس وقت کسی قسم کا اسلحہ فراہم نہیں کیا جا رہا۔ ادھر روس نے یوکرین کے مختلف شیروں پر میزائلوں کی بارش کردی۔ جس سے 25 افراد ہلاک اور متعدد زخمی ہوگئے۔ روس نے دارالحکومت کیف، وسطی اور جنوبی ریجن میں میزائل حملے کیے۔