برطانیہ :لیبائی باشندے کی چاقوزنی سے 3 افراد ہلاک، 3 زخمی

کارروائی انفرادی طور پر کی گئی، کسی تنظیم کا ہاتھ نہیں،پولیس
لندن (نیوز ڈیسک) برطانیہ کے علاقے ریڈنگ میں پارک کے اندر لیبائی باشندے کی چاقوزنی سے 3 افراد ہلاک اور 3 زخمی ہوگئے ، پولیس نے قریبی علاقے کو گھیرے میں لے کر ملزم خیری سعداللہ کو گرفتار کرلیا، پولیس نے واقعے کو دہشت گردی قرار دے دیا ، 25 سالہ ملزم نے گذشتہ برس شام کا سفر کرنے کی کوشش کی تھی، اس کے بعد سے سیکیورٹی حکام نے اس پر نظر رکھنا شروع کر دی تھی،پھر بھی واردات کرنے میں کامیاب رہا،پولیس کا کہنا ہے کہ فی الحال کسی اور شخص کے ملوث ہونے سے متعلق ثبوت نہیں ملے پولیس کے مطابق یہ کارروائی انفرادی طور پر کی گئی اور اس کے پیچھے کسی تنظیم کا ہاتھ نہیں۔