Raza Musani 
نئی دہلی: متحدہ عرب امارات نے اپنے پہلے ایٹمی بجلی گھر کی دیکھ بھال اور آپریشنز کی ذمہ داری ہندوستان کے سپرد کردی۔ ابو ظہبی کے ولی عہد شیخ خالد بن محمد بن زید النہیان کے دورہ ہندوستان کے موقع پر دونوں ممالک نے مفاہمت کی یاداشتوں پر دستخط کئے ہیں جس میں ایٹمی توانائی اور پٹرولیم کے شعبوں میں تعاون بھی شامل ہے۔ ایمریٹس نیوکلیئر انرجی اور نیوکلیئر پاور کوآپریشن آف انڈیا کے درمیان برکہ ایٹمی پاور پلانٹ کے آپریشن اور دیکھ بھال کا معاہدہ کیا گیا ہے۔ جبکہ ابو ظہبی آئل کمپنی اور ہندوستان کی نیشنل آئل کمپنی کے درمیان طویل مدتی ایل این جی کی فراہمی کا معاہدہ کیا گیا ہے۔ ابو ظہبی کے ولی عہد شیخ خالد بن محمد 8 ستمبر کو ہندوستان کے دورے پر نئی دہلی پہنچے تھے۔
