امریکی تجاویز اور پیغامات کا جائزہ لیا جارہا ہے، اسماعیل بقائی

تہران : ایران وزارت خارجہ نے کہا ہےکہ جنگ بندی کی امریکی تجاویز اور پیغامات کا جائزہ لیا جارہا ہے۔ جبکہ صدر مسعود پزشکیان نے کہا کہ ایران قومی حقوق پر کوئی سمجھوتہ نہیں کرے گا۔ ترجمان ایرانی وزارت خارجہ اسماعیل بقائی نے کہا ہےکہ ایرانی تجاویز کا جائزہ لیکر پاکستان کے ذریعے باضابطہ جواب امریکا کو بھجوا دیا جائے گا۔
ادھر صدر مسعود پزشکیان نے فرانسیسی ہم منصب ایمانویل میکرون سے گفتگو میں کہا ہے کہ تہران جنگ کے خاتمے کے لیے سنجیدہ سفارتی راستہ اختیار کرنے کو تیار ہے۔ تاہم ایران اپنے قومی حقوق پر کوئی سمجھوتہ نہیں کرے گا۔ان کا کہنا تھا کہ امریکی رویے کی وجہ سے ایران کو مذاکرات کے دوران بھی دھوکے اور دشمنی کا سامنا کرنا پڑا۔ ایرانی صدر نے کہا کہ حالیہ دنوں میں مذاکرات جاری ہونے کے باوجود امریکا نے ایران پر دو حملے کیے جو پیٹھ میں چھرا گھونپنے کے مترادف تھے۔