غزہ کی پٹی میں دو تہائی عمارتیں تباہ ہوگئی ہیں، اقوام متحدہ

نیویارک :اقوام متحدہ کا کہنا ہے کہ غزہ کی پٹی میں تقریباً دو تہائی عمارتیں 7 اکتوبر سے اسرائیلی حملوں میں تباہ یا متاثر ہوئی ہیں۔ غزہ سے تباہ عمارتوں کا ملبہ اٹھانے میں بیس سال سے زائد لگیں گے۔ اقوام متحدہ نے غزہ کی صورتحال پر تشویش کا اظہار کرتے ہوئے کہا ہے کہ غزہ کو مکمل تباہی کا سامنا ہے۔غزہ کی پٹی میں رہائش، خوراک اور طبی سہولیات کا شدید فقدان ہے۔شہر کو مکمل برباد کردیا گیا ہے اور بنیادی سہولیات ناپید ہوچکی ہیں۔اقوام متحدہ کے سیکریٹری جنرل کی جانب سے جاری کردہ بیان میں کہا گیا ہے کہ غزہ میں فوری جنگ بندی اور بحالی کے کام کی اشد ضرورت ہے۔ ہر گزرتا دن غزہ میں تباہی اور بربادی میں اضافہ کررہا ہے۔