Raza Musani 
پشاور : پشاور کے کوچہ رسالدار کی شیعہ جامع مسجد میں خودکش دھماکے کے 2مزید زخمی جان کی بازی ہارگئے جس کے بعد شہداء کی تعداد 64 ہوگئی، شہدا میں سردار وقار حسین اور عقیق حسین شامل ہیں۔ سردار وقار اور عقیق حسین ریڈنگ ہسپتال میں زیرعلاج تھے عقیق حسین شہید فہیم عباس کے والد تھے، دونوں باپ بیٹے کی شہادت پرعلاقے میں فضا سوگوار ہے ، دھماکے سے اب تک 64افراد شہید ہوچکے ہیں جن میں 23 زخمی تاحال لیڈی ریڈنگ اسپتال میں زیر علاج ہیں دھماکے کے چوتھے روز بھی سوگ کا سماں رہا اورمتاثرہ گھروں میں رشتہ داروں کا تانتا بندھا رہا۔ فہیم عباس کے والد کی موت نے بھی سب کو رلا دیا ہے۔
