20 لاکھ متاثرین بغیر آمدنی زندگی گزار رہے ہیں، ڈبلیو ایف پی

غزہ : اقوام متحدہ کے ورلڈ فوڈ پروگرام ڈبلیو ایف پی نے غزہ میں بگڑتے انسانی بحران سے خبردار کرتے ہوئے کہا ہے کہ بیس لاکھ بے گھر افراد بغیر کسی آمدنی کے زندگی گزار رہے ہیں۔ ورلڈ فوڈ پروگرام نے خوراک کے ذخیرے میں تیزی سے کمی پر شدید تشویش کا اظہار کرتے ہوئے خبردار کیا کہ خطہ ایک ممکنہ انسانی تباہی کے دہانے پر ہے۔ سرحدی گزرگاہوں کی مسلسل بندش سے یہ نازک صورتحال مزید پیچیدہ ہو گئی ہے۔ بیان میں کہا گیاہے کہ محصور علاقوں میں خوراک کی فراہمی کو روکا جا رہا ہے۔ غزہ کو فوری طور پر خوراک کی بلا تعطل اور مسلسل بہاؤ کی ضرورت ہے تاکہ غذائی تحفظ کے مکمل خاتمے سے بچا جا سکے۔ ڈبلیو ایف پی نے خبردار کیا کہ فلسطینی پہلے ہی تباہ کن انسانی حالات کا سامنا کررہے ہیں ۔اگر موجودہ حالات برقرار رہے تو سنگین نتائج نکلیں گے۔