Raza Musani 
تل ابیب: اسرائیل کے دو سابق وزرائے اعظم نفتالی بینیٹ اور یائیر لیپڈ نے اپنی سیاسی جماعتوں کو ضم کر کے نیا انتخابی اتحاد قائم کرلیا۔ اتحاد کا بنیادی مقصد رواں سال اکتوبر میں ہونے والے عام انتخابات میں نیتن یاہو کی مخلوط حکومت کو شکست دینا ہے۔ نئی پارٹی کا نام ٹوگیدر ہوگا۔ نفتالی بینیٹ نئے اتحاد کے سربراہ ہوں گے ۔انہوں نے کہا کہ تیس سال کے بعد اب وقت آگیا ہے کہ نیتن یاہو سے علیحدگی اختیار کی جائے، اسرائیل کو اپنا رخ بدلنا ہوگا۔
رپورٹس کے مطابق دونوں رہنما اس سے قبل بھی 2021 میں ایک مشترکہ حکومت کا حصہ رہ چکے ہیں، جس نے نیتن یاہو کے طویل اقتدار کو عارضی طور پر ختم کیا تھا۔ اس بار بھی وہ ایک منقسم اپوزیشن کو متحد کر کے انتخابی میدان میں مقابلہ کرنا چاہتے ہیں۔
