ترک فوج کے شام میں فضائی حملے، شامی اور کرد فورسز کے 31 ارکان ہلاک، درجنوں زخمی

دمشق : ترک افواج نے شام میں کردوں کے ٹھکانوں پر فضائی حملے کئے جس میں شامی اور کرد فورسز کے 31 ارکان مارے گئے۔ اور کئی زخمی ہوگئے۔ شام کے شمالی علاقے میں ترک فورسز نے فضائی حملوں میں کردوں کے ٹھکانوں کو نشانہ بنایا۔ حملوں میں کرد ملیشیا کے 18 اور شامی فوج کے 12 اہلکار مارے گئے جبکہ ہلاک ہونے والوں میں ایک صحافی بھی شامل ہے۔ ترکیہ کی وزارت دفاع کے مطابق شام اور عراق کے شمالی علاقوں میں کردوں کے 89 ٹھکانوں کو نشانہ بنایا گیا۔ جس میں پناہ گاہیں اور اسلحہ کے گودام شامل ہیں ۔