Raza Musani 
انقرہ : ترکیہ میں زلزلے سے گرنے والی عمارتوں کی تعمیراتی کمپنیوں کے مالکان کے خلاف کریک ڈاؤن شروع کردیا گیا۔ ہولناک زلزلے سے وسیع پیمانے پراموات کے بعد 170 وکلاء کے پینل نے تعمیراتی کمپنیوں کے خلاف مشترکہ شکایت درج کروائی جس میں کہا گیا ہے کہ تعمیرات میں کنسٹرکشن کمپنیوں نے اسٹینڈرڈ بلڈنگ کوڈ نہیں اپنائے۔نائب صدر فوات اوکتے نے بتایاکہ اب تک 131 افراد کی شناخت کی گئی ہے جن کے بارے میں شبہ ہے کہ وہ ہزاروں عمارتوں کے انہدام کے ذمہ دار ہیں اور ان میں سے 113 کو حراست میں لینے کے احکامات جاری کر دیے گئے ہیں۔ جن میں سے 20 کو حراست میں لے لیا گیاہے۔ وزیر ماحولیات مرات کروم نے کہا کہ خطے میں ایک لاکھ 70ہزار سے زائد عمارتوں کے ابتدائی جائزے کے مطابق 24,921 عمارتیں منہدم ہوئیں یا انہیں بہت زیادہ نقصان پہنچا۔ برسوں سے ماہرین خبردار کررہے تھے کہ ترکیہ میں بہت سی نئی عمارتیں بدعنوانی اور حکومتی پالیسیوں کی وجہ سے غیر محفوظ ہیں۔
