معاہدہ میں ایرانی جوہری پروگرام کی مضبوط شقیں شامل ہیں، ٹرمپ

واشنگٹن: امریکی صدر ڈونلڈ ٹرمپ نے سی این این کو تنقید کا نشانہ بناتے ہوئے کہا ہے کہ نیوز چینل نے غلط دعویٰ کیا کہ ایران سے مجوزہ معاہدے میں جوہری معاملات کا ذکر نہیں ہے۔ اپنے سوشل میڈیا پلیٹ فارم پر جاری بیان میں کہاکہ مجوزہ معاہدے میں ایران کے جوہری پروگرام پر نہایت مضبوط اور تفصیلی شقیں شامل ہیں۔ معاہدے میں واضح طور پر درج ہے کہ ایران جوہری ہتھیار حاصل نہیں کرے گا۔ امریکی صدر کے مطابق سی این این اور دیگر ذرائع ابلاغ نے معاہدے کے مندرجات کو درست انداز میں پیش نہیں کیا۔ انہوں نے سی این این کو فیک نیوز قرار دیتے ہوئے کہا کہ یہ ادارہ کم ریٹنگز کے بحران کا شکار ہے۔ انہوں نے سوال اٹھایا کہ آیا نئی ملکیت کے تحت یہ نیٹ ورک اپنی ساکھ بحال کر پائے گا یا نہیں۔