ڈھاکا میں ہزاروں مسلمانوں کا بھارت میں توہین آمیز بیانات کے خلاف احتجاج

ڈھاکا : بھارت میں توہین آمیز بیانات پر بنگلادیش میں احتجاج کا سلسلہ جاری ہے۔ دارلحکومت ڈھاکا میں ہزاروں مسلمانوں نے توہین آمیز بیانات کے خلاف احتجاج کیا ۔ریلی کے شرکا نے ڈھاکا کی سب سے بڑی مسجد سے بھارتی سفارت خانے تک مارچ کیا۔ ریلی کے شرکا نے بھارتی مصنوعات کا بائیکاٹ کرنے اور دنیا بھر کے مسلمانوں کے متحد ہونے پر زور دیا۔ مظاہرین نے وزیراعظم شیخ حسینہ سے مطالبہ کیا کہ وہ اس معاملے پر بھارت سے باضابطہ احتجاج کریں۔