Raza Musani 
تہران : ایرانی قیادت نے فیلڈ مارشل عاصم منیر پر واضح کیا ہےکہ امریکا کو ایران کے ساتھ معاملات میں اپنا رویہ اور طرزِ عمل تبدیل کرنا ہوگا۔ فیلڈ مارشل عاصم منیر نے ایرانی صدر مسعود پزشکیان، محسن رضائی، باقر قالیباف اور ایرانی وزیرِخارجہ و وزیرِداخلہ سے ملاقاتیں کیں۔ جس میں کشیدگی میں کمی اور آبنائے ہرمز کی بحالی کے اقدامات پر جامع تبادلہ خیال کیا گیا۔
ایرانی صدر نے کہا کہ امریکا کو ایران کے ساتھ معاملات میں اپنے موجودہ طرزِ عمل پر نظرثانی کرنا ہوگی۔ انہوں نے خبردار کیا کہ طاقت کے استعمال اور دھونس پر انحصار معاملات کو مزید پیچیدہ کرے گا۔ سپریم نیشنل سکیورٹی کونسل کے سیکریٹری محسن رضائی نے کہا ہے کہ تہران کو اب بھی امریکا پر اعتماد نہیں اور واشنگٹن کو اپنے رویے میں تبدیلی لانا ہوگی۔ انہوں نے کہا کہ صرف بیانات کافی نہیں بلکہ واشنگٹن کو اپنے وعدوں کی تکمیل کے لیے ٹھوس اقدامات کرنا ہوں گے۔ اسپیکر باقر قالیباف نے امریکا پر مفاہمتی یادداشت کی پاسداری پر زور دیا ہے۔ قالیباف نے کہا کہ امریکی وعدوں کی خلاف ورزی نے خطے میں عدم استحکام اور بداعتمادی کو بڑھایا ہے۔
