Raza Musani 
تہران : ایرانی پارلیمنٹ کے اسپیکر محمد باقر قالیباف نے امریکی صدر ڈونلڈ ٹرمپ کے بیان کا جواب دیتے ہوئے کہا ہے کہ جھوٹے دعووں سے شکست نہیں چھپائی جا سکتی۔ قالیباف نے سوشل میڈیا پر ایک گرافک شیئر کیا جس پر درج تھا میک امریکا ہنگری اگین، یعنی امریکا کو دوبارہ بھوکا بناؤ۔ یہ ردعمل ٹرمپ کی جانب سے ایک خبر شیئر کیے جانے کے چند گھنٹے بعد سامنے آیا، جس میں قالیباف کے حوالے سے کہا گیا تھا کہ ایران بھوکا ہے اور زندہ نہیں رہ سکتا۔ انہوں نے امریکی خبر میں موجود دعوے کو مسترد کرتے ہوئے امریکا میں بھوک اور غذائی عدم تحفظ کے اعداد و شمار پیش کیے۔
