Raza Musani 
غزہ : جنگ بندی کے باوجود اسرائیلی حملے نہ تھم سکے۔ غزہ اور مغربی کنارے میں اسرائیلی کارروائیوں میں بچے سمیت مزید چھ فلسطینی شہید اور کئی زخمی ہوگئے۔ وسطی غزہ کے شہر دیرالبلاح میں اسرائیلی ڈرون نے آج صبح بے گھر فلسطینیوں کے ایک خیمے کو نشانہ بنایا۔ ڈرون حملے میں دو فلسطینی شہید اور متعدد زخمی ہوگئے۔ گذشتہ رات غزہ کے وسطی علاقے میں اسرائیلی فوج نے فائرنگ کرکے تین فلسطینی شہید کردئے۔ ادھر نابلس کے ایک پناہ گزین کیمپ پر اسرائیلی فوج کے چھاپے کے دوران 14 سالہ فلسطینی بچہ فائرنگ کی زد میں آکر شہید ہوگیا۔
