Raza Musani 
ویانا : مسلح تنازعات، تشدد اور انسانی حقوق کی خلاف ورزیوں کے باعث رواں سال ریکارڈ دس کروڑ افراد بے گھر ہوگئے۔ اقوام متحدہ کے ادارے برائے مہاجرین نے بڑے پیمانے پر لوگوں کے بے گھر ہونے پر شدید تشویش کا اظہار کیا ہے۔ ادارہ کے سربراہ فلپینو گرانڈی نے کہا کہ بے گھروں کی تعداد یہاں تک نہیں پہنچنا چاہئے تھی۔ انہوں نے مہاجرت کی بڑی وجہ تشدد۔ تنازعات۔ ظلم وستم اور انسانی حقوق کی خلاف ورزیوں کو قرار دیا۔ 2021 میں نو کروڑ افراد بے گھر ہوئے تھے۔ انہوں نے کہا کہ یوکرین۔ ایتھوپیا۔ شام۔ میانمار اور برکینافاسو کے حالات کی وجہ سے لوگوں نے بڑی تعداد میں ہجرت کی ۔ یورپ جانے کیلئے کئی افراد نے اپنی جانیں داؤ پر لگائیں جس کا انجام افسوسناک ہوا۔ ہزاروں مایوس تارکین وطن نے یورپ کو ایک ترجیحی منزل کے طور پر دیکھا۔
