جوہری معاملے پر کسی سے مذاکرات نہیں ہونگے، محسن رضاعی

تہران : پاسدارانِ انقلاب کے سابق سربراہ اور ولی امر مسلمین کے مشیر محسن رضائی نے کہا ہے کہ ایران جوہری معاملے پر کسی سے مذاکرات نہیں کرے گا اور آبنائے ہرمز پر کنٹرول ایران ہی کے پاس رہنا چاہیے۔
محسن رضائی نے خبردار کیا کہ اگر آبنائے ہرمز کا کنٹرول اور انتظام ایران کے ہاتھ سے نکل گیا تو دشمن ایک بار پھر اسے ایران اور اس کے عوام کے خلاف ہتھیار کے طور پر استعمال کرے گا۔ انھوں نے مزید کہا کہ ایرانی ماڈل اس بات پر زور دیتا ہے کہ خطے کی سلامتی خطے کے اپنے ممالک کو ہی فراہم کرنی چاہیے۔ غیر ملکی افواج، چاہے وہ امریکی ہوں یا یورپی کو خطے سے نکل جانا چاہیے۔
ادھر اسپیکر محمد باقر قالیباف نے ایران کے خلاف امریکی حکمتِ عملی اور میڈیا مہم کا مذاق اڑا دیا۔ انہوں نے سوشل میڈیا پر امریکی آپریشنز کو طنزیہ انداز میں لکھا کہ آپریشن ٹرسٹ می برو ناکام ہو چکا ہے، اب دوبارہ معمول کے مطابق آپریشن فاکسیوس شروع ہو گیا ہے۔