نیتن یاہو کے وارنٹ معطل کرنیکی کوئی قانونی بنیاد نہیں، پراسیکیوٹر

دی ہیگ: عالمی فوجداری عدالت کے پراسیکیوٹر کریم خان کا کہنا ہے کہ اسرائیلی حکام کے وارنٹ معطل کرنے کی کوئی قانونی بنیاد موجود نہیں ہے۔
کریم خان نے اسرائیل کی جانب سے وارنٹ کیخلاف اپیل پر کہا کہ اسرائیلی اپیل کو خارج کردینا چاہئے۔اسرائیلی اپیل میں موقف اختیار کیا گیا ہے کہ آئی سی سی کی تحقیقات اور وارنٹ عدالتی طریقہ کار کے لحاظ سے ناقص ہیں۔ اپیل کی سماعت کے دوران وارنٹ کو معطل رکھا جائے۔ چیف پراسیکیوٹر خان نے دلیل دی کہ پری ٹرائل چیمبر اس مسئلے کو حل کرنے کے لیے مناسب فورم ہے۔ اپیل ممکنہ طور پر اس عمل میں بعد میں سنی جا سکتی ہے۔ انہوں نے یہ بھی دلیل دی کہ اس دوران وارنٹ کو معطل کرنے کی کوئی وجہ نہیں ہے۔