پاکستان میں ایک اور مارشل لا لگنے کا خطرہ ہے،شاہد خاقان

اسلام آباد: سابق وزیراعظم شاہد خاقان عباسی نے ملک میں ایک اور مارشل لا لگنے سے خبردار کردیا۔ پاکستان مسلم لیگ نون کے سینئر رہنما شاہد خاقان عباسی نے خبردار کیا ہے کہ موجودہ معاشی اور سیاسی بحران میں فوجی آمریت کو اپنی طرف متوجہ کرنے کے تمام طریقہ کار موجود ہیں۔ جب سسٹم ناکام ہوجائے یا اداروں میں تصادم ہو اور سیاسی قیادت اس سے باہر آنے کا راستہ نہ نکال سکے تو ایسی صورتحال میں ہمیشہ مارشل لا کا امکان رہتا ہے۔ انہوں نے خبردار کیا کہ اگر معاشرے اور اداروں کے اندر تناؤ مزید بڑھا تو انارکی پیدا ہوگی اور ایسی صورت حال میں فوج کی طرف سے بھی قدم بڑھایا جاسکتا ہے۔ ماضی میں فوج موجودہ حالات سے کم سنگین حالات میں اقتدار پر قبضہ کرتی رہی ہے شاہد خاقان عباسی نے تمام اسٹیک ہولڈرز پر مذاکرات کا آغاز کرنے پر زور دیا۔ انہوں نے کہا کہ اگر فوجی آمریت آئی تو پھر اس سے چیزیں بہتر ہونے کے بجائے مزید خراب ہوں گی۔ آگے بڑھنے کا واحد راستہ سیاسی موجودگی ہے۔