Raza Musani 
بیروت : حزب اللہ کے سیکریٹری جنرل سید حسن نصراللہ نے کہا ہے کہ حضرت امام خمینی ؒ کی قیادت میں ایران کا اسلامی انقلاب ایک مجزہ تھا۔ شہید سید عباس موسوی کی برسی کے موقع پر سید حسن نصراللہ نے کہا کہ بانی انقلاب اسلامی حضرت امام خمینیؒ نے علاقے کے سرکش ترین ڈکٹیٹر پہلوی حکومت کو سرنگوں کر کے امریکا اور اسرائیل کو ایران سے نکال دیا۔ شہید سید عباس موسوی حضرت امام خمینی ؒ سے کافی مانوس تھے۔ انہوں نے کہا کہ قدس کی غاصب اور جابر عبوری صیہونی حکومت زوال کے دھانے پر ہے۔ اسرائیل کے داخلی حالات کافی خراب ہیں اور عالمی صورتحال اسرائیل کی نابودی کی سمت گامزن ہیں۔
