دنیا تباہ کن گرمی کی جانب بڑھ رہی ہے، اقوام متحدہ

پیرس : اقوام متحدہ نے اپنی رپورٹ میں خبردار کرتے ہوئے کہاہےکہ دنیا تباہ کن گرمی کی طرف بڑھ رہی ہے، 3 سال سے بھی کم وقت رہ گیا ہے،کوئلہ جلانے کا عمل روکنا ہوگا، تیل و گیس کا استعمال بالترتیب 60 اور 70فیصد کم کرنا ہوگا، اقوام متحدہ کے سربراہ کا کہنا ہے کہ اقوام متحدہ کے ماحولیاتی ماہرین نے خبردار کیا کہ کرہ ارض کو گرم کرنے والی کاربن آلودگی کے اضافے کو روکنے کے لیے انسانیت کے پاس3 سال سے بھی کم وقت ہے۔موسمیاتی تبدیلی کے بارے میں اقوام متحدہ کے بین الحکومتی پینل کے سربراہ ہوسنگ لی نے کہاکہ ہم ایک دوراہے پر ہیں، ہم جو فیصلے ابھی کرینگے وہ ایک زندہ مستقبل کو محفوظ بنا سکتے ہیں،ہمارے پاس ٹولز اور معلومات ہیں کہ گرمی کو محدود کرنے کے لیےکیا اقدامات لینے کی ضرورت ہے۔