Raza Musani 
تل ابیب: صیہونی وزیراعظم نیتن یاہو نے پھر دھمکی دی ہے کہ غزہ کے شہری محفوظ علاقوں میں چلے جائیں، غزہ پٹی کے اندر جنگ مشکل اور طویل ہوگی۔ غزہ میں جاری زمینی کارروائیاں جنگ کا دوسرا مرحلہ ہے۔ اسرائیلی وزیراعظم نے مزید کہا کہ دل ٹوٹ گیا جب حماس یرغمالیوں کو قید کرکے لے گئے، یرغمالیوں کو رہا کروانے کے لیے سب کچھ کریں گے، زمینی کارروائیاں یر غمالیوں کو واپس لانے میں مدد کر سکتی ہیں۔ نیتن یاہو نےکہا کہ جنگ کے بعد ہمیں مشکل سوالات کا جواب دینا ہوگا۔ ایران حماس کو مالی مدد دیتا ہے۔ لیکن اسکے 7 اکتوبر کے حملے میں ملوث ہونے کا نہیں کہہ سکتے۔
پریس کانفرنس میں اسرائیلی حکومت بالخصوص وزیراعظم نیتن یاہو پر سخت سوالات اور حملے کا بروقت پتہ نہ چلانے پر کڑی تنقید کی گئی، جواب میں نیتن یاہو نے کہا اس وقت حکومت کی تمام توجہ حماس کے خلاف جنگ پر ہے، جنگ کے بعد 7 اکتوبر کو اسرائیل پر حماس کے حملے کے تمام ذمہ داروں کا تعین کر کے کڑا احتساب کیا جائے گا۔
