غزہ کی جنگ پورے خطے کو لپیٹ میں لے سکتی ہے ،انتونیو گوتریس

نیویارک: سیکریٹری جنرل اقوام متحدہ انتونیو گوتریس نے ایک بار پھر غزہ کی جنگ پھیلنے کا خدشہ ظاہر کر دیا۔ انتونیو گوتریس نے حزب اللہ اسرائیل کشیدگی اور بحیرہ احمر میں انصار اللہ یمن کی کارروائیوں پر تشویش کا اظہار کیا۔انہوں نے کہاکہ غزہ جنگ علاقائی جنگ میں تبدیل ہوسکتی ہے۔ انہوں نے مغربی کنارے میں یہودی آباد کاروں کے حملے جلتی پر تیل کی مترادف قرار دیے اور بین الاقوامی طاقتوں سے مطالبہ کیا کہ جنگ بندی کے لیے وہ جو کچھ کر سکتی ہیں کریں۔