غزہ و لبنان کی جنگ حق و باطل کی جنگ ہے، خطبہ جمعہ تہران

تہران : تہران کے امام جمعہ آیت اللہ کاظم صدیقی نے کہا کہ آج صرف غزہ اور لبنان کی اسرائیلی رجیم کے ساتھ جنگ نہیں ہے بلکہ یہ دین اور بے دین اور حق و باطل کی جنگ ہے۔ تہران میں نماز جمعہ کے خطبوں میں کہا کہ آج کا مسئلہ ایرانی انقلاب نہیں بلکہ اسلامی انقلاب ہے۔ انقلاب کے بانیوں نے شروع سے کہا کہ یہ انقلاب امام زمانہ علیہ السلام کا انقلاب ہے۔ ہمارے عظیم شہداء نے اپنے خون سے اعلیٰ اقدار، قرآن، عزت، آزادی اور غیرت کو زندہ کیا، یہ خون اس ولایت کے طفیل ہے جو عصر غیبت میں فرزندان حضرت زہراء کو سونپ دی گئی ہے۔ امام جمعہ تہران نے کہا کہ حضرت زہرا (س) توحید اور ادیان کا جوہر ہیں۔ حضرت زہرا (س) کی زندگی کے ابعاد غیر معمولی ہیں اور ہمیں انہیں سمجھنے کے لئے بھرپور غور و فکر اور جد وجہد کی ضرورت ہے۔ انہوں نے مزید کہا کہ ہمیں دنیا کو بتا دہنا چاہیے کہ حضرت زہرا (س) ایک حقیقی رہنما کا کردار رکھتی ہیں۔ جیسا کہ امام خمینی (رح) نے فرمایا کہ اگر حضرت زہرا (س) مرد ہوتیں تو وہ یقیناً نبی ہوتیں۔