Raza Musani 
نابلس : صیہونی فورسز نے مقبوضہ مغربی کنارے میں مزید تین فلسطینیوں کو گولی مار کر شہید کر دیا۔ شہدا میں ایک بچہ بھی شامل ہے۔ جس کے بعد فوجیوں کے ہاتھوں شہید فلسطینیوں کی تعداد 9 ہوگئی ہے۔ جنوبی مغربی کنارے میں بیت اللحم کے قریب حسین نامی گاؤں میں فورسز نے جھڑپ کے دوران 14 سالہ قصے حمامرہ کو گولی مار کرشہید کیا۔ صیہونی فوج نے الزام لگایا کہ نوجوان نے فورسز پر پیٹرول بم پھینکا، جس پر اسے گولی ماری گئی۔ غاصب فوجیوں نے نوجوان کی ہنگامی طبی امداد حاصل کرنے سے روک دیا، جس سے اس کی موت سے ہوئی ۔ فورسز نے رام اللہ شہر کے قریب سلواد گاؤں میں 20 سالہ فلسطینی نوجوان عمر الیان کو بھی گولی مار کر شہید کردیا۔ یہ نوجوان ان جھڑپوں کے دوران شہید ہوا جو صیہونی فورسز کے چھاپے کے بعد شروع ہوئی۔ چھاپے کے دوران 6 دیگر فلسطینی زخمی بھی ہوئے۔
