Raza Musani 
تہران : ایران نے کہاہےکہ امریکا نے ایران کے چودہ نکاتی منصوبے پر جواب دے دیا ہے۔ تہران اس جواب کا جائزہ لے رہا ہے۔ ایرانی وزارتِ خارجہ کے ترجمان اسماعیل بقائی نے ایک ٹی وی انٹرویو میں بتایا کہ امریکا نے پاکستانی ثالثوں کے ذریعے اپنا ردعمل تہران تک پہنچا دیا ہے۔ انہوں نے کہا کہ یہ منصوبہ صرف امریکا اور اسرائیل کی جانب سے خطے میں جاری جارحیت کو ختم کرنے پر مرکوز ہے اور اس میں ایران کے جوہری پروگرام سے متعلق کوئی شق شامل نہیں۔ انہوں نے الجزیرہ سمیت بعض میڈیا رپورٹس کو مسترد کرتے ہوئے کہا کہ جوہری سرگرمیوں کی پندرہ سال کیلئے معطلی یا آبنائے ہرمز میں مشترکہ کارروائی جیسے دعوے بے بنیاد ہیں۔ انہوں نے واضح کیا کہ ایران کی فوری ترجیح خطے میں جنگ کا خاتمہ ہے۔
