Raza Musani 
اقوام متحدہ میں روسی فیڈریشن کے نمائندے واسیلی نیبنزیا نے ایک بار پھر کہا کہ غزہ کے باشندے بھوک اور قحط کی حالت میں ہیں جبکہ غزہ میں ایسا کوئی محفوظ مقام نہیں کہ جہاں وہ پناہ لے سکیں!. روسی خبررساں ایجنسی اسپتنک کے مطابق، سلامتی کونسل کے اجلاس سے خطاب کرتے ہوئے واسیلی نبنزیا نے کہا کہ غزہ کو ملنے والی امداد انتہائی محدود ہے جو بنیادی ترین ضروریات کو بھی پورا نہیں کرتی۔ اعلی روسی سفارتکار نے زور دیتے ہوئے کہا کہ ہم انروا (UNRWA) کے بارے اسرائیلی کنیسٹ کے فیصلے کی شدید مذمت کرتے ہیں، کیونکہ غزہ میں اس ایجنسی کی سرگرمیوں کو روکنا غیر انسانی ہے۔ انہوں نے مزید کہا کہ امریکی اسرائیلیوں کو مزید وقت دے رہے ہیں تاکہ وہ غزہ کے خلاف اپنی انسانیت سوز جارحیت مکمل کر سکیں لیکن ہم ایک ایسی قرارداد کا مسودہ تیار کریں گے جس سے مصائب کا خاتمہ ہو گا!.
