Raza Musani 
کہوٹہ: پاکستان تحریک انصاف کے چیئرمین عمران خان نے کہا ہے کہ امریکا کو ایسا وزیراعظم پسند نہیں آیا جو آزاد خارجہ پالیسی لے کر آیا، ہم کسی سے دشمنی نہیں چاہتے نہ ہی غلامی چاہتے ہیں۔ کہوٹہ میں انتخابی جلسہ سے خطاب کے دوران عمران خان نے کہا کہ میں نے امریکا کو کہا کہ ہم جنگ میں آپ کے ساتھ شرکت نہیں کریں گے، انہوں نے کہا کہ ایک وقت تھا لوٹوں کو چھانگا مانگا لے جاتے تھے، مگر لوٹے یہ نہیں جانتے کے وقت بدل گیا ہے۔ انہوں نے کہا کہ نیوٹرلز کے ساتھ میری کوئی لڑائی نہیں میں نے کون سی ریڈ لائن عبور کی ہے‘اس لڑائی میں صرف ملک کمزور ہو گا، نیوٹرلز سے بات ہوئی تو ایک ہی موقف ہوگا فری اینڈ فیئر الیکشن ہو‘ چوروں سے کبھی اتحاد نہیں کروں گا‘ حکومت گرفتار کرنا چاہتی ہے تو کر لے کوئی ڈر نہیں‘ پیپلز پارٹی کے ساتھ بیٹھنے سے ہزار درجے بہتر ہے میں اپوزیشن میں بیٹھ جاؤں ‘ کسی بیرونی اور اندرونی طاقت کے ذریعے کوئی بیک ڈور رابطے نہیں‘پی ڈی ایم اور اسٹیبلشمنٹ دونوں ہی ملک میں آزاد اور منصفانہ انتخابات نہیں چاہتے‘‘لاہور میں بیٹھے ایک آدمی کا مشن ہے کسی طرح چوروں کو الیکشن جتوا دیں‘ نامعلوم نمبر سے دھمکیاں دی جا رہی ہیں، لاہور والے کو بتا رہا ہوں جو مرضی کر لو تم صرف خود کو ذلیل کرو گے‘دھاندلی کے باوجود ضمنی الیکشن کے نتائج آئینگے تو حمزہ واپس جائے گا۔
