Raza Musani 
ابوظہبی : متحدہ عرب امارات نے یمن کے جزیرہ سقطری میں صیہونی فوجی افسران اور ماہرین کے لئے رہائشی مکانات بنانے پر کام شروع کر دیا ہےتاکہ یمن کے اس جزیرے میں مشترکہ فوجی انٹیلیجنس ٹھکانے قائم کئے جا سکیں۔رپورٹ کے مطابق گذشتہ کئی ہفتوں کے دوران سیاحوں کی شکل میں اسرائیل کے دسیوں گھرانے جزیرہ سقطری میں منتقل ہوئے ہیں اس سے قبل متحدہ عرب امارات سے وابستہ فوجیوں نے بھی سقطری کے ہوائی اڈے کو فوجی ائیرپورٹ میں تبدیل کرنے کا اقدام کیا تھا۔ عرب امارات کے اس اقدام کا مقصد جزیرہ سقطری میں صیہونی حکومت کی فوجی موجودگی کو بڑھانا ہے اور اس طرح سے یہ غاصب صیہونی حکومت جزیرہ سقطری کو جاسوسی کے اپنے ایک اڈے میں تبدیل کرنے کی کوشش کررہی ہے تاکہ سمندری راستوں پر اس کا تسلط ہو سکے۔ عرب امارات بھی یمن کے اس جزیرے کو جہازرانی کے بین الاقوامی راستوں کو کنٹرول کرنے کے لئے اپنے ایک ذریعے کی حیثیت سے استفادہ کرنے کا منصوبہ بنا رہا ہے۔
