سپریم لیڈر جنگی حکمت عملی کی تشکیل میں اہم کردار ادا کررہے ہیں، امریکی انٹیلی جنس

واشنگٹن : امریکی انٹیلی جنس اداروں کا ماننا ہے کہ ایرانی سپریم لیڈر آیت اللہ مجتبیٰ خامنہ ای زخمی ہونے کے باوجود جنگی حکمت عملی کی تشکیل میں اہم کردار ادا کر رہے ہیں۔
سی این این نے امریکی حکام کے حوالے سے رپورٹ کیا ہے کہ ایرانی سپریم لیڈر مجتبیٰ خامنہ ای سینئر ایرانی عہدیداروں کے ساتھ مل کر جنگ سے متعلق حکمت عملی مرتب کرنے میں مرکزی کردار ادا کر رہے ہیں۔ رپورٹ کے مطابق امریکی انٹیلی جنس ادارے حملے کے بعد سے آیت اللہ سید مجتبیٰ خامنہ ای کی زندہ ہونے کی تصدیق نہیں کر سکے جس میں ان کے والد شہید جبکہ وہ خود زخمی ہوئے تھے۔ امریکی حکام کے مطابق ایران کی اعلیٰ قیادت جنگی اور سفارتی فیصلوں پر مسلسل مشاورت کر رہی ہے۔ تاہم ایرانی حکام کی جانب سے ان دعوؤں پر فوری طور پر کوئی باضابطہ ردعمل سامنے نہیں آیا۔ خطے میں جاری کشیدگی کے دوران اس رپورٹ کو غیر معمولی اہمیت دی جا رہی ہے۔