آبنائے ہرمز مکمل طور پر ایرانی افواج کے کنٹرول میں ہے، ایرانی فوج

تہران : ایران کے مرکزی ہیڈکوارٹر خاتم الانبیاء کا کہنا ہے کہ آبنائے ہرمز مکمل طور پر ایرانی مسلح افواج کے کنٹرول میں ہے۔ کسی بھی غیر ملکی فوجی مداخلت یا جہاز رانی میں رکاوٹ ڈالنے کی کوشش کا فوری جواب دیا جائے گا۔
ایران کے مرکزی فوجی کمانڈ ہیڈکوارٹر خاتم الانبیاء نے ایک بیان میں کہا ہے کہ تمام تجارتی جہازوں، مال بردار کشتیوں اور تیل بردار ٹینکروں کو مخصوص بحری راستوں سے گزرنے اور ایرانی پاسدارانِ انقلاب کی بحریہ سے اجازت حاصل کرنے کی پابندی ہو گی۔ ایرانی فوجی قیادت نے خبردار کیا کہ مقررہ ضوابط کی خلاف ورزی جہازوں کی محفوظ آمدورفت کو سنگین خطرات سے دوچار کرسکتی ہے۔
امریکا اور اس کے ان اتحادی ممالک کے جہازوں پر پابندیاں برقرار ہیں جنہوں نے ایران کے خلاف امریکا اور اسرائیل کی جارحیت میں شرکت کی یا اس کی حمایت کی تھی۔