حماس کو غیر مسلح کرنے کا بیان حواس باختگی کی دلیل ہے، عزت الرشق

غزہ : حماس کے اعلیٰ رہنما عزت الرشق نے نیتن یاہو کی جانب سے فلسطینی مقاومتی تنظیم کو غیر مسلح کرنے کے اعلان کو حواس باختگی کی دلیل قرار دیا ہے۔ ایک انٹرویو میں عزت الرشق نے کہا کہ صہیونی وزیراعظم کو داخلی اور بیرونی دباؤ کا سامنا ہے جس کی وجہ سے حماس کے خلاف بیانات دے رہے ہیں۔ نتن یاہو اندرونی بحران پر قابو پانے میں مکمل ناکام ہیں۔
اسرائیلی وزیراعظم کو مصر اور قطر کی پیشکش پر جنگ بندی کی تجویز مسترد کرنے کی وجہ سے اندرونی اور بیرونی سطح پر شدید تنقید کا سامنا ہے۔ حماس نے جنگ بندی کی پیشکش پر مثبت جواب دیا تھا تاہم صہیونی حکومت نے توقعات کے برعکس رفح پر حملہ کردیا ہے۔