یوکرین کی صورتحال امریکا کے حامیوں اور اسرائیل سے روابط برقرار کرنے والوں کیلئے درس عبرت ہے، حزب‌ اللہ

بیروت : حزب‌ اللہ کی مرکزی کونسل کے رکن شیخ نبیل قاووق نے یوکرین کی صورتحال کو امریکا کے حامیوں اور اسرائیل کے ساتھ روابط برقرار کرنے والے عرب ممالک کیلئے درس عبرت قرار دیا ہے۔ انہوں نے کہا کہ لبنان میں امریکا کے آلہ کاروں کو یوکرین کی صورتحال سے سبق لینا چاہئیے اس لئے کہ امریکا اپنے حامیوں اور آلہ کاروں کو جنگ کیلئے ورغلاتا ہے اور جنگ چھڑ جائے تو وہ دور سے اس کا نظارہ کرنے لگتا ہے اور انھیں ان کے حال پر چھوڑ دیتا ہے۔ انہوں نے کہا کہ استقامت کی طاقت و توانائی میں اضافہ ہوا ہے اور اس وقت اس کی پوزیشن نمایاں ہے اور حسان ڈرون نے دشمن کو متحیر کردیا تھا۔