Raza Musani 
روم : اٹلی کے دارالحکومت روم میں ایران اور امریکا کے درمیان بلواسطہ مذاکرات کا دوسرا دور بھی مثبت اور تعمیری رہا۔امریکا اور ایران نے ہفتے کو عمان میں مذاکرات کے تیسرے دور پر اتفاق کیا ہے۔ دونوں ممالک کے ماہرین بدھ سے تکنیکی مذاکرات شروع کریں گے۔ ایرانی وزیر خارجہ عباس عراقچی کا کہنا ہے کہ دونوں ممالک بعض اصولوں اور اہداف پر بہتر مفاہمت تک پہنچنے میں کامیاب ہوگئے ہیں۔ انہوں نے کہا کہ مجھے امید ہے کہ اگلے ہفتے تکنیکی سیشنز کے بعد ہم کسی معاہدے تک پہنچنے کے امکان کا فیصلہ کرنے کے لیے بہتر پوزیشن میں ہوں گے۔ ہم اب بھی احتیاط کے ساتھ آگے بڑھ رہے ہیں۔ عباس عراقچی نے کہا کہ معاہدے میں ایٹمی توانائی ایجنسی موثر کردار ادا کرسکتی ہے۔ کیونکہ ایجنسی جوہری معاملے میں ایران کے وعدوں کی تصدیق اور نگرانی کی ذمہ دار ہے۔
