Raza Musani 
رام اللہ : فلسطینی نائب وزیر خارجہ احمد الا دیق نے اسرائیل کی جانب سے فلسطین پر 5 نکاتی پابندیوں کے فیصلے کو سامراجی نسل پرستی سے تعبیر کیا ہے۔ فلسطینی نائب وزیر خارجہ نے کہا کہ اسرائیلی فیصلہ فلسطینی عوام اور ان کی قیادت کے خلاف منظم دہشت گردی اور نسل پرست سامراجی ذہنیت کا مظہر ہے ۔ انہوں نے کہا کہ صیہونی پابندیاں فلسطینی عوام اور ان کی قیادت کو سیاسی، قانونی اور سفارتی اقدامات پر عمل کرنے سے نہیں روک سکتیں۔ بین الاقوامی قوانین کے دائرہ عمل میں غاصب اسرائیل کی خلاف ورزیوں اور جرائم کو بے نقاب کرنے اور ان کا محاسبہ کرنے کے عمل کو جاری رکھا جائیگا۔
