ہمارے خلاف فوجی جارحیت کے مکمل ختم ہونے تک ردعمل جاری رہے گا، عراقچی

تہران : ایرانی وزیر خارجہ عباس عراقچی نے کہاہے کہ امریکا سے صرف ایک فون کال سفارت کاری کی راہ ہموار کر سکتی ہے۔ ایرانی وزیر خارجہ نے مزید کہا کہ اگر صدر ٹرمپ واقعی سفارت کاری پر یقین رکھتے ہیں اور اس جنگ کو ختم کرنا چاہتے ہیں تو اگلے اقدامات فیصلہ کن ہوں گے۔ انہوں نے مزید کہا کہ اسرائیل کو اپنے حملے بند کرنے چاہییں۔ ایرانی وزیر خارجہ نے مزید کہا کہ اسرائیل کو اپنے حملے بند کرنے چاہییں۔ ہمارے خلاف فوجی جارحیت کے مکمل ختم ہونے تک ہمارا ردعمل جاری رہے گا۔ انہوں نے کہا کہ ہماری طاقتور مسلح افواج دنیا پر واضح کر رہی ہیں کہ تل ابیب میں پناہ گاہوں میں چھپے جنگی مجرم اپنے جرائم کی سزا سے بچ نہیں سکیں گے۔ مزید کہا کہ ہم بزدلوں کو اس وقت تک مارتے رہیں گے جب تک اس بات کو یقینی نہ بنالیں کہ وہ اب ہمارے لوگوں پر گولیاں نہیں چلائیں گے۔