نئی جارحیت کا جواب پہلے سے زیادہ شدید اور تباہ کن ہوگا، جنرل شکارچی

تہران : ایران کے سینئر فوجی ترجمان ابوالفضل شکارچی نے امریکا کو خبردار کیا ہے کہ ایران کے خلاف کسی بھی نئی جارحیت کا جواب پہلے سے زیادہ شدید اور تباہ کن ہوگا۔
بریگیڈیئر جنرل ابوالفضل شکارچی نے امریکی صدر ڈونلڈ ٹرمپ کی مسلسل دھمکیوں پر سخت ردعمل دیتے ہوئے کہا ہے کہ ایران کے خلاف کسی بھی نئی فوجی کارروائی کے نتائج واشنگٹن کے لیے انتہائی سنگین ہوں گے۔ انہوں نے کہا کہ امریکا اگر اپنی ناکامیوں کی تلافی کے لیے دوبارہ کوئی حماقت کرتا ہے تو اسے مزید سخت اور تباہ کن جواب دیا جائے گا۔ ابوالفضل شکارچی کے مطابق ایران کے خلاف نئی جارحیت کی صورت میں امریکی فوج اور اس کے اثاثوں کو نئے، جارحانہ اور طوفانی نوعیت کے حملوں کا سامنا ہوگا۔ امریکا خود اپنے پیدا کردہ دلدل میں مزید دھنس جائے گا۔