Raza Musani 
صنعا: یمن پر امریکا اور برطانیہ کے فضائی حملوں میں سولہ افراد شہید اور پینتیس زخمی ہوگئے۔ برطانوی اور امریکی جنگی طیاروں نے الحدیدہ کے الحکوک ضلع اور الصلیف کی بندرگاہ پر حملے کیے۔ امریکی سینٹرل کمانڈ نے ایک بیان میں کہا ہے کہ امریکی اور برطانوی افواج نے حوثیوں کے زیرِ قبضہ علاقوں میں تیرا اہداف کو نشانہ بنایا۔ بندرگاہی شہر الحدیدہ میں تین مقامات کو نشانہ بنایا گیا جہاں ڈرون اور زمین سے فضا میں مار کرنے والے ہتھیار موجود تھے۔
یمنی فوج نے امریکی حملے کے فوری بعد بحیرہ احمر میں امریکی طیارہ بردار جہاز آئزن ہاور کیرئیر پر میزائل حملہ کیا ہے۔ یمنی فوج کے ترجمان یحییٰ سریع نے کہا کہ جارحیت کا جواب پوری قوت سے دیں گے۔
امریکی او برطانوی جارحیت ہمیں فلسطین کی حمایت میں اپنی فوجی کارروائیوں کو جاری رکھنے سے نہیں روک سکے گی۔
