اہل تشیع کے مسائل حل کئے جائیں گے، وزیرداخلہ کی اسلامی تحریک کے وفد کو یقین دہانی

اسلام آباد: اسلامی تحریک کے اعلیٰ سطح کے وفد نے مرکزی جنرل سیکریٹری علامہ شبیر حسن میثمی کی زیر قیادت وزیر داخلہ رانا ثنااللہ سے ملاقات کی اور عزاداری کی راہ میں حائل مشکلات، مقدمات اور دیگر مسائل سے آگاہ کیا۔ ملاقات میں تمام مسائل کو باہمی مشاورت اور رابطوں کے ذریعے حل کرنے پر اتفاق کیا گیا۔ وزیر داخلہ نے محرم الحرام کے دوران امن امان کو یقینی بنانے اور مسائل کے حل کے حوالے سے مثبت پیش رفت کی یقین دہانی کرائی۔ وزیر داخلہ نے کہا کہ محرم الحرام کے دوران امن وامان یقینی بنانے کیلئے تمام مذہبی رہنماؤں سے مشاورت کی جائیگی۔ وفد میں اسلامی تحریک کے مرکزی نائب صدر علامہ عارف حسین واحدی، مرکزی ایڈیشنل سیکریٹری علامہ ناظر تقوی،زاھد علی آخوند زادہ اور دیگر حضرات شریک تھے۔