سابق وزیراعظم کے پرنسپل سیکریٹری وعدہ معاف گواہ بن گئے

لاہور : پاکستان تحریک انصاف کے چیئرمین اور سابق وزیراعظم کے پرنسپل سیکریٹری اعظم خان ان کے خلاف وعدہ معاف گواہ بن گئے۔ اعظم خان اپنی روپوشی ختم کرکے سامنے آگئے اور مجسٹریٹ کے سامنے بیان ریکارڈ کرادیا۔ اپنے بیان میں انہوں نے کہا کہ سائفر سوچی سمجھی سازش تھی، سیاسی مقاصد کے لیے ڈرامہ رچایا گیا۔
وزیر داخلہ رانا ثنااللہ نے کہا ہے کہ چیئرمین پی ٹی آئی نے سرکاری راز افشا کرنے کا جرم کیا ان کے خلاف قانون کے مطابق کارروائی کی جائے گی۔ نو مئی والے جتھے کو قانون کے کٹہرے میں لاکر سزا دینا ضروری ہے۔ اعظم خان کا بیان ناقابل تردید ثبوتوں کی تائید ہے۔ اس سارے جرم میں سابق وزیر خارجہ شاہ محمود قریشی بھی شریک ہیں۔