Raza Musani 
واشنگٹن : قطر میں دوحہ ڈیفنس شو میں ایرانی فوجی حکام بالخصوص پاسداران انقلاب اسلامی کی موجودگی نے امریکی حکام میں کھلبلی مچادی۔ امریکا کا کہنا ہے کہ وہ قطر میں ایرانی فوج کی موجودگی پر پریشان ہے۔ ایران نے 21 سے 23 مارچ تک جاری رہنے والی بین الاقوامی سمندری دفاعی نمائش اور کانفرنس میں میزائلوں، فضائی دفاعی ہتھیاروں کے نظام اور بحری جہازوں کے ماڈلز کی نمائش کی۔ دوحہ میں ایرانی سفیر حمید رضا دہقانی نے ایرانی بوتھ کی تصاویر پوسٹ کیں اور ایرانی موجدوں اور تکنیکی ماہرین کا ان کی کامیابیوں پر شکریہ ادا کیا۔ انہوں نے لکھا کہ ہم دنیا کو بندوق کی نال سے نہیں دیکھتے۔ تاہم اپنے دفاع کے لیے ہم طاقت کے تمام اوزار تیار کرتے ہیں، اور ہتھیار ان میں سے ایک ہیں۔
