Raza Musani 
بیروت :صیہونی فوج نے درندگی کا مظاہرہ کرتے ہوئے جنونی لبنان میں خواتین، بچوں اور عام شہریوں کی لاشوں کے ڈھیر لگادئے۔ فضائی حملوں میں شہدا کی تعداد ساڑھے پانچ سو سے تجاوز کرگئی۔ صیہونی فضائیہ نے دوسرے دن بھی جنوبی لبنان کے مختلف علاقوں پر حملے جاری رکھے اور سو سے زائد مقامات کو نشانہ بنایا۔ حملوں میں سینکڑوں عمارتیں تباہ ہوگئیں یا انہیں نقصان پہنچا۔ حملوں کا دائرہ مشرقی لبنان تک وسیع کردیا گیا ہے۔ اسرائیل نے دعویٰ کیا ہے کہ اس نے حزب اللہ کے ٹھکانوں پر گیارہ سو سے زائد حملے کئے۔ اسرائیلی دعوے کے برعکس حملوں کا زیادہ تر نشانہ عام شہری بنے ہیں۔ مرنیوالوں میں پچاس بچے اور ساٹھ سے زیادہ خواتین شامل ہیں۔
اسرائیلی حملوں کے باعث جنوبی لبنان سے ہزاروں افراد محفوظ علاقوں کی طرف نقل مکانی کررہے ہیں جبکہ سینکڑوں خاندان شام میں داخل ہوگئے ہیں۔
