Raza Musani 
بیروت : حزب اللہ نے اسرائیل پر شدید حملے کئے ہیں۔ حزب اللہ نے اسرائیل کے شمال میں صفد شہر سے 12 کلو میٹر دور فضائی دفاعی اڈے کو راکٹوں سے نشانہ بنایا ہے۔ راکٹوں کی بارش ہونے کے بعد صفد شہر اور بیریا ٹاؤن میں بجلی کی فراہمی منقطع ہو گئی۔ بیریا کے جنگل میں بڑے پیمانے پر آگ بھڑک اٹھی۔ اسرائیلی حکام کا کہنا ہے کہ جنگل میں آگ بجھانے کا کام جاری ہے۔ حزب اللہ نے اسرائیل کے زیرِ قبضہ صفد شہر پر ائیربیس اور اطراف کے علاقوں پر بھی راکٹ داغے۔
ادھر بائیس اگست کو اربعین آپریشن کے دوران غلیلوت میں اسرائیلی انٹیلی جنس یونٹ کو نشانہ بنایا گیا تھا۔ لبنانی ویب سائٹ المیادین کے مطابق اس حملے میں ہلاک صیہونی فوجیوں کی تعداد بائیس ہوگئی جبکہ چوہتر سے زائد فوجی زخمی ہوئے۔ حزب اللہ نے اربعین آپریشن کو نہایت کامیاب قرار دیا۔
