Raza Musani 
بیروت : حزب اللہ کے سربراہ شیخ نعیم قاسم نے کہا ہے کہ لبنانی حکومت کو امریکی و اسرائیلی منصوبوں کی سہولت کار نہیں بننا چاہیے۔ حزب اللہ کو غیر مسلح کرنے کا مطلب اسرائیل کو ملک میں داخل ہونے کا راستہ دینا ہوگا۔
لبنان میں یومِ آزادی و مزاحمت کے موقع پر خطاب میں شیخ نعیم قاسم نے کہا کہ حزب اللہ حکومت سے یہ مطالبہ نہیں کرتی کہ وہ امریکا اور اسرائیل کے منصوبوں کیخلاف براہِ راست محاذ کھولے۔ لیکن اسے اس پوزیشن پر ضرور قائم رہنا چاہیے کہ وہ اپنے ہی عوام کے خلاف کسی بیرونی ایجنڈے کی سہولت کار نہ بنے۔ انہوں نے کہا کہ ملک میں کچھ عناصر کی جانب سے حزب اللہ کو غیر مسلح کرنے کے مطالبات سامنے آ رہے ہیں۔ اگر ایسا کیا گیا تو اس سے اسرائیل کو لبنان میں داخل ہونے اور عوام کے قتل و بے دخلی کا موقع مل سکتا ہے۔ انہوں نے خبردار کیا کہ مزاحمتی قوتوں کو کمزور کرنا لبنان کی سلامتی کے لیے خطرناک ہوگا اور اس کے سنگین نتائج برآمد ہو سکتے ہیں۔ انہوں نے کہا کہ ایران تنہا دنیا کی بڑی طاقتوں اورجابر نظاموں کے مقابلے میں کھڑا ہے اور اس نے امریکا اوراسرائیل کو سیاسی طور پر کمزور کیا ہے۔
