Raza Musani 
اسلامی تعاون تنظیم نے فلسطینیوں کی نسل کشی کی شدید مذمت کرتے ہوئے عالمی برادری سے مطالبہ کیا ہے کہ وہ محصور علاقے میں اسرائیلی جرائم اور جارحیت کی کارروائیاں بند کرائے۔ او آئی سی نے الشاطی کیمپ۔ نصیرات اور بیت لاہیہ میں بے گھر فلسطینیوں کے قتل عام پر اسرائیل کیخلاف ایک اور مذمتی بیان جاری کیا ہے۔ او آئی سی نے اسے قانون کی کھلم کھلا خلاف ورزی اور اسرائیل کا تازہ جنگی جرم قرار دیا ہے۔ بیان میں عالمی برادری پر زور دیا گیا ہے کہ عالمی برادری قابض حکومت کی طرف سے کیے جانے والے قتل عام کو روکے۔ او آئی سی نے غزہ کے تمام حصوں بالخصوص شمال میں انسانی امداد کی مناسب اور پائیدار رسائی کو یقینی بنانے کے ساتھ ساتھ فلسطینیوں کو بین الاقوامی تحفظ فراہم کرنے پر بھی زور دیا۔
